i_write

wo kisi Roothi hui Ghazal ki tarah dur chala gaya...mein uske baad uske shabdo ko sambhalta raha

Aao Zara do ghoont zindagi jee le, Shaam bahut hui par ghar na jayenge, toota sa dil leke kisi dar na jayenge,, hatani hai, jo seene me hai keele. Aao zara do ghoont zindagi jee le. Aao zara pass to betho, yu chup na ho,udaas na betho. hoonth ghabraate ho to,aankho se baat karo. cheeri hui chaati, apne hi haatho se seele ... Aao...zara do ghoont zindagi jee le.

Koi Ghazal kesi banti hogi,... Premika ko chaand kehne se Ghazal banti hai ya Choot khaye dil se nikalti hogi ye Ghazal kese banti hogi. Train ke intzaar me ya jhute sansaar me Maa ke Aanchal se nikalte hi bilkhati hogi. ye Ghazal kese banti hogi Bhooke pait sota hai to roti pe ya Zamindaar ki Tazmahal numa koti par ye dabe paanv ghungharu bhandhe chalti hogi yaar ye Ghazal kese banti hogi Lambe registaan me pani ki pyaas se, ya jism ki aag liye khaali aavas se ye premi sang machalti hogi. Yaar ye Ghazal kese banti hogi im.nikhhil@gmail.com Nikhil

Tumhari saaree ka ek dhaga to do zara Kuch shabd pirone hai usme Un shabdo ko mila ke, jod ke Peero ke ek nazm, tumhre liye ek HAAR banana hai Shabd Kuch tumhre sirhaane pade hai, Kuch meri almaari me ,or Kuch shabd pankhe ke niche, Kitaabo ke panno se udate hai Thode bahut chhat ke eek kone me Jaha ek chidiya aksar aake tinke chor jati hai Mere shabd pade hai Kho jate hai meri adhoori nazmo ke sath shabd mere Phir milte hi nahi Par tum sambhaal ke rakhna Wo nazm jo peero ke dunga tumhari saaree ke dhaage me im.nikhhil@gmail.com Nikhil 09314445222

15 august tyohaar ho jaane laga hai . Mera desh Teeranga bech kamane laga hai Bismil jo tum aa hote to bechte JHANDE MNC me JOB karte or manate SUNDAY BISMIL to BOSS ke aage mimyane laga hai Mera desh Teeranga bech kamane laga hai Inqlaab se teen guna hai Theataro me Beedh Rishwat deke toot jati BAPU teri reedh. BAPU KON ?? kuch dhundla sa yaad to aane laga hai Mera desh Teeranga bech kamane laga hai Nikhil Sharma im.nikhhil@gmail.com 09314445222

Mera bharat mahan hai par jam se parshan hai Pal-pal marta raam hai ravan ka abhiman hai Sita ke liye har chakki me pista kyon hanuman hai Jeeta hai jo mar jayega,ghada paap ka bhar jayega Is kalyug me aane se to ravan bhi dar jayega Khali muththi,khali pait ,khali hi to aaye the Kiss paise me,mohmaya me atke jate pran hai… im.nikhhil@gmail.com 09314445222

Chalo chal ke chand laate hai Jo chand lane ki jhooti kasame khate hai Aur chand ko roz mehboob ki maang me sajate hai Unke liye chalo, chal ke chand late hai.. Mere aangan me ujala zara kam hai Suna hai chand pe chandni se chaman hai Chandi ko choukhat pe ladiyo sa sajate hai Apne liye chalo ,chal ke chaand late hai Aankh sukhi,haath khali ,raat bhookhi hai Ek roti ki kimat jinke liye unki jaan hoti hai Unke liye chalo,chal ke chand late hai Im.nikhhil@gmail.com 09314445222

Do pal tera sath hona Nasha kar deta hai.. Sar ghumta hai mera tere badan ki khusboo se Chal nahi pata gar teri aankho se kori pi lu. Hang over hota hai jo raat tere sath guzaru Chahta bhi nahi ki teera nasha utaru... Dhili patloon ko tera pyar kasa-kasha kar deta hai Do pal tera sath hona Nasha kar deta hai.. Nikhil im.nikhhil@gmail.com

Bharat ek lok-tantrik desh hai..par aaj kal bhrastaarchaar ke TANTRIKO ke bich fans gaya hai.aapka per chahe daldal me fansa ho..aapka dil kise ke chakkar me fansa ho..ya kisi producer ka pesa kisi flop film me fansa ho..nikaalna mushkil hai…agar kichad se apni mehgi ball nikalni ho to haath kichad me dalna hota hai..haath ganda karna padta hai..or ye bhi risk rehta hai ki aas pass wale log dekh lenge to kya kahenge.kesi kesi nazaro se dekhnge..par ye masla kichad me ball nikalne jesa hi hai…yaha koi aage aake ball nahi nikalna chahta par koi ball nikalta hai to hum usski hausla-aafzai jarur karte hai,ye ek achchi baat hai humme. Sahi waqt pe sahi kaam hona hi sahi disha me badlav lata hai..jab libia,misra me kranti ho rahi hai…kai jagah safal bhi rahi hai..uss waqt Hindustaan me Anna Hazare ka ye kadam,ek sahi disha me sahi kadam hai.pura desh world cup jitney se jyada khush hai ki anna ki mange maan li gai..Par ye kaam aaj se 10 saal pehle ho jana tha..par hume corruption se jyada ch...

Kan-kan,shan shan tu de Dahad le aade hatho or de pachad miththi se unka milan kara or BALLA leke ho ja khada.. wo WICKET,wahi hai tera lakshya Machali ki aankh rakh wahi drashaya wo Tuchcha samjh unko hara.. or BALLA leke ho ja khara... Best Wishes to TEAM INDIA.. Rj Nikhil im.nikhhil@gmail.com 09314445222

ye bimar haddi or dhancho ki duniya ye sar dard, dukhdard humdard dunia ye roti bilkhati na mard duniya ye banduk barud kabro ki duniya ye duniya agar mil bhi jaye to kya hai .. ye sadko ke gadhdo me nakli tarkki ye Mall ki building me nakli tarkki kese jioge ye sanse hai shakki ye sim card talktime mobile ki duniya ye duniya agar mil bhi jaye to kya hai .. ye motor ye gadi or diseal ki dunia ye dhuaan polution milawat ki duniya popcorn pizza burger ki duniya nahi hai dal or chawal ki duniya ye duniya agar mil bhi jaye to kya hai .. bane jo achar bana lo roti pe isko laga lo bhuko ki bhook mita degi duniya kahi bhi ghuse to ghusa lo ye duniya ye duniya agar mil bhi jaye to kya hai .. noto ke bhooke ye chamdi k bhooke beche ye izzat ye wo bhi na chuke ek nahi lakho makhote hai muh pe ghulamo ki pitho pe hantar ki duniya ye duniya agar mil bhi jaye to kya hai .. RjNikhil im.nikhhil@gmail.com 09314445222